Traditional: Are Ye Sleepin' Maggie<br>
Are Ye Sleepin' Maggie<br>
Robert Tannahill (1774 - 1810)<br>
One verse and chorus: One verse and chorus: "Are Ye Sleepin Maggie" is<br>
performed by Wild Mountain Thyme<br>
on their CD Depraved.<br>
<br>
sheet music<br>
| ABC notation with chords<br>
Mirk [dark] and rainy is the nicht [night],<br>
There's no a star in a' the carry;<br>
Lightnings gleam athwart the lift,<br>
And the cauld winds drive wi' winter's fury.<br>
Chorus:<br>
O! are ye sleepin', Maggie?<br>
O! are ye sleepin', Maggie?<br>
Let me in, for loud the linn<br>
Is roarin' o'er the warlock craigie!<br>
Fearfu' soughs the boortree bank,<br>
The rifted wood roars wild and drearie,<br>
Loud the iron yett does clank,<br>
And the cry o' howlets makes me eerie.<br>
Chorus<br>
Aboon my breath I daurna speak<br>
For fear I rouse your waukrife daddie;<br>
Cauld's the blast upon my cheek, -<br>
Arise, arise, my bonnie lady!<br>
Chorus<br>
She op'd the door, she let him in;<br>
He coost aside his dreepin' plaidie;<br>
Blaw your warst, ye rain and win',<br>
Since, Maggie, now I'm in aside ye.<br>
Final Chorus:<br>
Now since ye're waukin', Maggie,<br>
Now since ye're waukin', Maggie,<br>
What care I for howlet's cry,<br>
For boortree bank, or warlock craigie?<br>
<br>