|
The Wind Blew The Bonnie Lassie's Plaidie Awa'
There was a bonnie lassie and she cam in frae Crieff,
She met up wi' a butcher lad when he was selling beef;
He gied to her a belly-cut and doon she did fa',
And the wind blew the bonnie lassie's plaidie awa'.
The wind blows east and the wind blows west,
The wind blew the bonnie lassie's plaidie awa'
The beef was in her basket and she couldna rise ava,
And the wind blew the bonnie lassie's plaidie awa'.
The plaidie was lost and it couldna be found,
And the lassie and the butcher lad were lying on the ground;
"0, whit will I say to the auld folks ava?
For I dourna say the wind blew my plaidie awa' ."
The wind blows east and the wind blows west,
The wind blew the bonnie lassie's plaidie awa' ;
He's gi' en her guid measure o' the beef and banes and a' ,
And the wind blew the bonnie lassie's plaidie awa' .
Twa-three months after the plaidie it was lost,
The lassie she began to swell aboot the waist;
And Rab he was blamed for the whole o' it a' ,
And the wind blawin' the bonnie lassie's plaidie awa'.
The wind blows east and the wind blows west,
The wind blew the bonnie lassie's plaidie awa',
The lassie cried "your butcher beef is ower tough to chaw,"
And the wind blew the bonnie lassie's plaidie awa' .
Then Rab he was summoned to appear before the session,
And ane and a' cried oot "Ye maun mak' a confession;"
But Rab never answered them ae word at a'
But "The wind blew the bonnie lassie's plaidie awa'."
The wind blows east and the wind blows west,
The wind blew the bonnie lassie's plaidie awa';
"We baith fell to admiring for the beef it was sae braw,
And the wind blew the bonnie lassie's plaidie awa'."
The auld wife she came in the laddie to accuse,
The minister and elders began to abuse
The butcher lad for tryin,' to make ane into twa;
But Rab said, "The wind blew the plaidie awa' ."
The wind blows east and the wind blows west,
The wind blew the bonnie lassie's plaidie awa' ,
The lassie she was carryin' the beef, it wasna sma' ,
And the wind blew the bonnie lassie's plaidie awa' ,
The lassie she was sent for to come there hersel',
She looked at the butcher lad, "Ye ken hoo I fell,
The beef was the cause o't, ye daurna say na',
For 'twas then that the wind blew my plaidie awa' ."
The wind blows east and the wind blows west,
The wind blew the bonnie lassie's plaidie awa' ,
The beef it was sae fresh that it wouldn a keep at a' ,
And the wind blew the bonnie lassie's plaidie awa'.
Rab lookit at the lassie and he gied a wee smile,
He said, "Bonnie lassie, I winna you beguile,
The minister he's here and he'll mak' ane o' us twa,
That will pay for the plaid that the wind blew awa' .
The wind blows east and the wind blows west,
The wind blew the bonnie lassie's plaidie awa' ;
And we shall hae the middle cut it's tenderest o' a',
And we'll drink tae the wind that blew your plaidie awa'.
frae - from
fa' - fall
plaidie - shawl, plaid
awa' - away
ava - at all
auld - old
daurna - dare not
gi'en - given
banes - bones
o' it a' - of it all
ower tough - too tough
chaw - chew
ane and a' - one and all
maun - must
baith - both
sae braw - so good
ye ken hoo - you know how
na' - not
|