|
The Brisk Young Lad
There cam a young man to my daddie's door,
My daddie's door, my
daddie's door;
There cam a young man to my daddie's door,
Cam seeking
me to woo.
And wow but he was a braw young lad,
A brisk young lad and a braw
young lad;
And wow but he was a braw young lad
Cam seeking me to
woo.
But I was baking when he came,
When he came, when he came;
I took him in and I gied him a scone
To thowe his frozen mou.
I set him in aside the bink;
I ga'e him bread and ale to drink;
And never a blithe styme wad he blink
Until his wame was fou.
Gae, get you gone, you cauldrife wooer,
Ye sour-looking, caulrife
wooer,
I straightway shewed him to the door,
Saying, come nae mair to woo.
There lay a deuk-dub before the door,
Before the door, before
the door,
There lay a deuk-dub before the door,
And there
fell he, I trow.
Out cam the guidman and high he shouted,
Out cam the guidwife and laigh she lootit,
And a' the town neighbors were gathered about it,
And there lay he, I trow.
Then out cam I and sneered and smiled,
Ye cam to woo but ye' re a' beguiled,
Ye're faun i' the dirt and ye' re a' befyled,
We'll hae nae mair o' you!
thowe - thaw
mou - mouth
bink - bench
styme - glance
blink - look
wame - belly
fou - full
deuk-dub - puddle
laigh - low
|