|
Jock Hawk's Adventures In Glasgow
To Glesca toon I went ane nicht
To spend my penny fee;
And a bonnie lassie gied consent
To bear me company.
Turn a hi dum a-do, Turn a hi dum day,
Turn a hi dum a-do, Turn a hi dum day.
She kent I was a ploughman chiel,
A stranger tae the toon;
She said, "That needna hinder you
To jog it up and doon."
We walked up Jamaica Street,
And doon the Broomielaw,
Where the organ lads were playing
And fiddlers ane or twa.
We went into a tavern
And I ca'd for some gin;
And a' the folk aboot the place
They smiled as we came in.
We scarce had drunk a toast or twa
When in came half a score
O' sailor lads and queans sae braw
I never saw before.
They drank the gin, they drank the malt,
They drank it a' richt free;
And ilka ane aye drank success
To the bonnie lass and me.
The nicht went by wi' mirth and sang,
Till day was growin' clear
And then the sailor's factor cried,
"All hands on deck appear!"
The lassies gied a parting kiss,
The lads they said 'Goodbye' .
The hindmost ane as he went out
Said, "Jock ye' ve a' to pay."
They've taen my watch and chain frae me,
My spleuchan and my knife;
I wonder that they didna tak'
My little spunk o' life.
They've stripped me o' my braw new coat,
My waistcoat and my shune.
My hooker-doon I never saw't
Since first I ca'd the gin.
I cam' into the world a bairn,
Sae naked and sae bare,
I cam' oot frae Glesca
And I'll never gang nae mair.
kent - knew
ane or twa - one or two
ca'd - called
queans - girls
sae braw - so smart
richt - right
ilka ane - every one
aye - always
hindmost ane - last one
a' - all
taen - taken
spleuchan - tobacco pouch
spunk - spark
shune - shoes
Hooker-doon - a cap
|