|
The Muckin' O' Geordie's Byre
In a lea-rig auld croft ayont the hill,
Just roond the neuk frae Sprottie's Mill,
Tryin' a' his life the time to kill
Lived Geordie MacIntyre.
He had a wife as sweir's himsel' ,
A dochter as black as auld Nick in Hell -
There was plenty of fun awa' at this mill
At the muckin' o' Geordie's byre.
Whaur the graip was tint, the besom was deen,
The barra it wouldna row its leen,
And siccan a sotter there never was seen
As the muckin' o' Geordie's byre.
The dochter had to strae and neep,
The auld wife started to swipe the greep,
When Geordie fell sklite on a rotten neep
At the muckin' o' Geordie's byre.
Ben the greep cam' Geordie's soo
And she stuid up ahint the coo;
The coo kickit oot, and 0 whit a stew
At the muckin' 0' Geordie's byre.
The auld wife she was booin' doon-
The soo was kickit on the croon
And shoved her heid i' the wifie's goon
And then ben thro' Geordie's byre.
The dochter cam' through the barn door
And seein' her mither lat oot a roar,
To the midden she ran and fell ower the boar
At the muckin' o' Geordie's byre.
The boar he lept the midden dyke,
And ower the rigs wi' Geordie's tyke,
They baith fell into a bumbee's byke
At the muckin' o' Geordie's byre.
The cocks and hens began to craw
When Biddy astride the soo they saw-
The postie's shelty ran awa'
At the muckin' o' Geordie's byre.
A hunder years hae passed and mair,
Where Sprottie's was, the hill is bare;
The croft's awa' , sae ye'll see nae mair
At the muckin' 0' Geordie's byre.
His fowk's a' deid and awa' lang syne-
Sae in case his memory ye should tine,
Just whistle this tune tae keep ye in mind
0' the muckin' o' Geordie's byre.
lea-rig auld croft - old smallholding with
grass fields
ayont - beyond
roond the neuk - round the corner
sweir - awkward
muckin' - removing dung
byre - cow house
graip was tint - pitchfork was lost
besom was deen - broom was worn out
barra - barrow
wouldna row its leen - wouldn't roll
by itself
siccan a sotter - such a mess
strae and neep - lay straw and pick turnips
greep - an open drain in a cow house
neep - turnip
ben - from behind
soo - sow
kickit oot - kicked out
whit - what
midden dyke - wall around dung heap
bumbee's byke - bees nest
postie's shelty - postman's pony
syne - since
tine - lost
|