|
Donald Blue
My name is Donald Blue, and ye ken me fu' weel,
Straik me canny by the
hair, I'm a quiet simple chiel;
But gin ye rouse the bear I'm as rauch as
the deil,
Gin I get a claucht o' your noddle.
But I'll tell ye o' a trick, man, that happened in the south,
A smith
got a wife and she had an unco drouth;
She likit it sae weel, put sae muckle in her mouth,
She was often helpit
name in the mornin'.
So it happened ae day, the smith he was thrang,
They brocht a wife till him - a wife that couldna gang;
He took her on his back and up the stair he ran,
And flung her on the bed wi' a fury.
He lockit the door, brocht the key in his hand,
He cam' doon the stairs cryin' "O, bewitched man!
This conduct o' hers I'm no' fit tae stand,
I'll enlist for a sodger in the mornin'."
He fell to his work, he was shoin' a horse,
They cried, "Tak' in your wife, smith, she's lyin' at the cross,"
He lifted up his hammer and he struck wi' siccan force,
He knockt doon the studdy in his fury.
"The deil's in the folk. What do they mean ava?
Gin I've ae drunken wife, Lo'd, I'm no' needin' twa."
But they cried a' the louder, "Tak' her frae the snaw,
Or surely she will perish ere the mornin' ."
So the smith he gaed oot and he viewed her a' roond,
"By my sooth! an' it's her but hoo did she win down?"
He hoisted her awa' on his back up to the room,
Whaur the ither wife was lyin' soondly snorin'.
The smith, to his surprise, couldna tell which was his,
Frae the tap to the tae they were dressed in a piece,
And sae closely they resembled each ither in the face,
He couldna tell which was his Jeanie.
"Deil ma' care!" says the smith, "let them baith lie still,
When ance she's sober she' 11 surely ken hersel' ,"
Noo frae that day to this Jeanie never buys a gill,
Nor will she wet her mou in the mornin' .
ken me fu' weel - know me right well
straik me canny - stroke me gently
chiel - man
gin - if
rauch as the deil - rough as the devil
claucht - grasp
unco drouth - great thirst
sae muckle - so much
thrang - pressed for time
brocht - brought
siccan - such
studdy - forge
frae the snaw - from the snow
gaed - went
hoo - how
whaur - where
tap to the tae - top to the toe
mou - mouth
|