The Mill, Mill-O 
BENEATH a green shade I fand a fair maid,
Was sleeping sound and still, O;
A lowan wi' love, my fancy did rove
Around her wi' good will, O:
Her bosom I prest; but sunk in her rest
She stir'dna my joy to spill, O
While kindly she slept, close to her I crept
And kiss'd, and kiss'd her my fill, O.
Oblig'd by command in Flanders to land
T'employ my courage and skill, O,
Frae her quietly I saw, hoist sails and awa
For the wind blew fair on the billow.
Twa years brought me hame, where loud-fraising fame
Tald me with a voice right shrill, O,
My lass, like a fool, had mounted the stool,
Nor kend wha had done her the ill, O.
Mair fond of her charms, with my son in her arms,
I ferlyin' speir'd how she fell, O.
Wi' the tear in her eye, quoth she, let me die,
Sweet Sir, gin I can tell, O.
Love gave the command, I took her by the hand,
And bad her a' fears expel, O,
And nae mair look wan, for I was the man
Wha had done her the deed mysel, O.
My bonny sweet lass, on the gowany grass,
Beneath the Shilling hill, O;
If I did offence, I'll make ye amen's
Before I leave Peggy's mill, O.
O the mill, mill, O, an' the kill, kill, O,
An' the coggin' of the wheel, O;
The sack an' the sieve, a' that ye maun leave,
An' round with a sodger reel, O.
ORIGINAL SET.
AS I came down yon water side,
And by yon Shillin hill, O;
There I spied a bonny lass,
A lass that I loed right weel, O.
The mill, mill, O, and the kill, kill, O,
An' the coggin' o' Peggy's wheel, O,
The sack an' the sieve, a' she did leave,
An' danc'd the millars reel, O.
I spier'd at her, gin she cou'd play,
But the lassie had nae skill, O;
An' yet she was nae a' to blame,
She pat it in my will, O,
The mill, &c.
Then she fell o'er, an' sae did I,
An' danc'd the millars reel, O,
Whene'er that bonny lassie comes again,
She shall hae her ma't ground weel, O.
The mill, &c.
- Jean Redpath
-
Songs of Robert Burns, Vol. 5 & 6
- The Lea-Rig Time: 2:30
- My Collier Laddie Time: 2:38
- O, This Is No My Ain Lassie Time: 1:47
- My Nanie, O Time: 3:08
- Fragment Time: 1:06
- The Posie Time: 3:00
- The Mill, Mill O Time: 3:09
- O, Were I on Parnassus Hill Time: 3:43
- The German Lairdie Time: 1:15
- The Battle of Sherra-Moor Time: 2:25
- Lament of Mary Queen of Scots Time: 6:18
- You're Welcome, Willie Stewart Time: 2:19
- Killiecrankie Time: 1:33
- Galloway Tam Time: 1:31
- Strathallan's Lament Time: 2:28
- The Fornicator Time: 1:37
- Here's to My Health Time: 3:23
- Last My a Braw Wooer Time: 3:30
- Gloomy December Time: 2:24
- Jamie, Come Try Me Time: 2:32
- The White Cockade Time: 1:09
- The Cardin' O'T Time: 2:54
- Sandy and Jockie Time: 0:59
- Hey, Ca' Thro' Time: 4:39
-
